((( ف الشارع )))
شارع ومن غير مشاعر
واللى شاعر بالناس قليل
فاجر وع الناس دا قادر
وفارد دراعه ومطول
جانى ومجنى عليه
والحق مغضوب عليه
واللى تقدر عليه
رقده وخد عنيه
على الدنيا السلام
ياناس كده مش تمام
بدلتوا أفرحنا أحزان
كفايه وجع بقى
الناس متفرقه وعيونها مبرقه
لكن مش شايفه حاجه
فيها أيه لوحصل خير
الدنيا هتبقى غير
والناس تبقى ف سعاده
الفرح هيبقى عاده
والعيشه تبقى تمام
لونبطل شغل الأفلام
ونعيشها واقعيه
والكل يفكر ف غيره
ساعتها هيكتر خيره
والرزق هيبقى بالزوفه
والحاجه والوجع
هتبقى من ماضى زمان
حافظ ع النعمه م الزوال
وأشكر ربك ياأنسان
وعيد حسباتك قبل فوات الآوان
كلمات/ محمودصلاح السيد 23/3/2021
ليست هناك تعليقات:
إرسال تعليق