( أيــوه بحبــك )
رنــتْ مــرة عليــا وقـــالت
وافرضْ يعنى بقيت مشهور
مش من حقك تجرى وراى
وتعمــل نفســك واد غندور
ما أنت إمبارح كنـت معفن
ولا نسيت إنك .... طرطور
رحـت مزعق فيها وقلـت
ليـه بتقلبي فيَّـا جحـور ؟
ينفـع بـردوا حبيبة قلبي
تكشف ستر طبق مستور
أيــوه بحبك إنتي يا هبلة
وقلبي بحبــك بقى مأمور
وأوعدك إنى محبش غيرك
مهمــا الدنيـا علينـا تـدور
وأفضل حافظك جوه عيوني
دا انتى القمرة وانتى النور
ولـو الدنيــا بحالها انهدت
كله بعــد حبيبتي يغــور
بس ثواني يا مهجة قلبي
ترضي لقلبي ينـام مقهور
نفسي فى مرة تحنِّى عليَّا
وادوق لو حبة من العصفور
*************
شعر / حمودة سعيد محمود
الشهير بحمودة المطيري
ليست هناك تعليقات:
إرسال تعليق